Ko te mihi tuatahi e wehi ana ki te Atua, e whakahōnore ana i a Kīngi Tūheitia Pōtatau Te Wherowhero Te Tuawhitu
e noho mai nā i runga i te ahurewa tapu o ōna mātua tūpuna. Kia tāwharautia ia ki te korowai aroha, ki te korowai
atawhai, ki te korowai hauora, Paimārire.
E tangihia ana ngā tini hua mate o te tau. E noho pōhara ana a Tainui waka i te nui o ngā mate i tōia e te waka o
Matariki ki tua o Paerau. Nō reira, kei ngā parekawakawa, haere, haere, oti atu ai e.